La organización de Mocedá d'Izquierda Soberanista – Darréu – quier espresar el so refugu al “Día de la Hispanidá” o “Día Nacional d'España”. El 12 d'ochobre faise alcordanza nel Estáu Español de l'aniciu d'un xenociu y una colonización xabaz del continente americanu. L'españolismu punxo como día “nacional” d'España la conmemoración d'un episodiu vergoñosu na hestoria, lo que esclaria'l componente opresor y reaccionario de la ideoloxía españolista y evidencia que'l Réxime Español ye por natura totalmente contrariu a valores como l'internacionalismu, la democracia, el progresu social o la diversidá cultural.
Asina, dende
Darréu llamamos a la mocedá asturiano a denunciar nel so trabayu,
nos estudios o n'estremaos espacios sociales la natura neofacista y
autoritaria d'esti réxime y a puxar pola emancipación nacional y
social de los pueblos. Dixo Lenin que “la revolución entama pol
llar” y dende la Mocedá d'Izquierda Soberanista nun podemos tar
más d'alcuerdu. Creemos que ye'l momentu de tratar de puxar
n'Asturies por un procesu constituyente sobre les bases del
soberanismu y la democracia popular.
Poro, refugamos
dafechu el 12 d'ochobre. Los mozos asturianos nun somos españoles,
polo qu'esti día nun significa pa nós nada. Per otru llau, les
moces asturianes atalantamos qu'enxamás podremos aplaudir qu'un
Estáu ponga como día “nacional” la conmemoración d'un
xenocidiu. Esto evidencia los problemes qu'esisten dientru d'esta
cárcele de pueblos llamada España a la hora d'exercer drechos
básicos y poder vivir dignamente. Esti 12 d'ochobre puxamos por una
Asturies soberana qu'escueya democráticamente'l so futuru. Puxamos
pola lliberación de la clas obrera y pola solidaridá y respetu ente
pueblos.
¡12 d'ochobre nada que cellebrar! ¡Asturies nun ye España!
¡Puxa l'Asturies antifacista que nun se rinde!
No hay comentarios:
Publicar un comentario