Otru añu más,
les asturianes nun podemos disfrutar coles nueses seleiciones deportives nestes
feches onde de forma tradicional, les naciones y pueblos oprimíos del Estáu
español teníemos la ocasión de poder ver y disfrutar con alcuentros ya eventos
deportivos animando a la nuesa seleicíon asturiana. Nuevamente nin les federaciones deportives asturianos nin el poder políticu sucursalista nel nuesu país sienten interés pol tema.
En países
vecinos como Euskal Herria, Galiza o Països Catalans estos alcuentros siguen
tando presentes nel calendariu deportivu d’esos pueblos, pero tristemente, n’Asturies
tenemos un Gobiernu sucursalista al que nun-y interesa nin quier que los deportistes
asturianos puedan xugar cola seleición de la so tierra y colos collores que
representen la so cultura y el so pueblu.
Tanto´l Gobiernu, como la oposición d’Asturies,
nun quieren saber nada con cualesquier síntoma, eventu o idega que pueda facer
ver que la sociedá asturiano s’identifique cola seleición asturiana y refugue
la seleición española la cual ta furrulando como ferramienta pa esparder esa
falsa ya impuesta ideoloxía de “marca España” que exerce una opresión pa coles
cultures ya identidaes propies de los pueblos y, n’esti casu, sobe’l pueblu
asturianu.
La nuesa
seleición ye la asturiana, y queremos que seya oficial.
No hay comentarios:
Publicar un comentario