La Mocedá d'Izquierda Soberanista entama una campaña col envís
d'enanchar la so fuercia militante nos conceyos del país. Dende esti mes
de xineru Darréu desendolcará una campaña de captación de militancia y
enanchamientu de la bas social col oxetu de da-y más voz a la mocedá que
nun se rinde n'Asturies. Construyir una Asturies soberana, socialista y
feminista ye un de les obligaciones hestóriques del Pueblu Asturianu,
un país onde nun tea sitiu nenguna triba d'opresión y onde seya la clas
trabayadora asturiana la dueña del so destín, decidiendo toos y toes que
queremos en cada momentu de manera democrática y llibre. Nesta llucha
la mocedá tien de ser una fuercia social determinante y tien de
comprometese más que naide con esti col so futuru.
Pa
entamar esta campaña asoleyamos 2.000 pegadielles cola intención
d'espeyar na cai la nuesa imaxe y esparder pente la mocedá asturiano la
necesidá d'axuntase al proyeutu soberanista y revolucionario y
comprometese na defensa organizada de los
sos drechos. Convidamos a toles moces y mozos del país a organizase y
lluchar en Darréu como coleutivo referente del soberanista xuvenil. Día
tres día tan robándonos el futuru y camentamos que nun podemos toleralo
más y la meyor manera de refugar esto ye organizase y lluchar.
Otra
Asturies ye posible y pa ello necesitamos el compromisu y la fuercia
militante de toes y toos. Poro, la campaña d'espardimientu de la imaxe
de Darréu y captación de militancia y sofitu social tendrá delles
manifestaciones a lo llargu los prósimos meses. Si el presente ye de llucha el futuru ye de nueso, esa
ye la nuesa másima, la másima de la mocedá asturiano consciente que nun
se rinde. Organizase y lluchar ye güei una obligación pa cada mozu o
moza d'esti país y de la so clas obrera.
¡Xúnite a nós y brega pola llibertá, el futuru, la dignidá y la xusticia!
¡Puxa Asturies llibre, socialista y feminista! ¡Alantre la llucha de la mocedá asturiano!
No hay comentarios:
Publicar un comentario