viernes, 6 de diciembre de 2013

La mocedá d'izquierda soberanista refugó nes cais la Constitución Española.


Ayeri 6 d'avientu, el Réxime borbónicu conmemoraba'l 35 aniversariu de la aprebación de la Constitución Española de 1978, impuesta a la mocedá asturiano polos poderes vixentes. Darréu, Mocedá d'Izquierda Soberanista nun dexó pasar la oportunidá y como ye vezu aprovechó la xornada pa espeyar nes cais el descontentu de l'Asturies consciente y espardir un mensaxe en clave xuvenil, tresformadora y soberanista. Baxo'l llema Frayemos l'orde constitucional, construyamos poder popular, la mocedá soberanista asturiano salió a la cai d'estremaos conceyos del país pa visibilizar qu'hai alternativa a la podredumbre capitalista y monárquica española.


Militantes del nuesu coleutivo tuvimos distribuyendo pasquines col nuesu posicionamientu énte esti día en dellos conceyos. Cientos de persones pudieron lleer lo que la prensa'l sistema trata de tapecer siempre y el repartu foi un ésitu, ya que queda constancia de que la xente yá ta farta de la realidá que ta viviendo, cada día más miserable, represiva y autoritaria.



Amás, les cais de munchos conceyos apaecieron con pancartes o pintaes onde se refugaba la Constitución Española y tolo que supón mentanto llamábase a la mocedá asturiano a lluchar pola soberanía de la nuesa patria, del nuesu pueblu. Darréu tamién apegó esta xornada cientos de cartelos enmarcaos dientru de la campaña anticonstitucional.






Asina, dende Darréu queremos tornar a dexar claro que tamos fartes y fartos d'esti Réxime, nel que namái viven bien y con llibertá unos pocos privilexaos. La Constitución afita esi Réxime, ye un instrumentu del capitalismu y l'españolismu monárquicu pa caltener nel poder la vieya estructura franquista y a les sos families. Darréu llama a la mocedá asturiano a lluchar coles idees clares por una Asturies con drechos y llibertaes, una Asturies meyor, non un pueblu encarceláu de la mena que tamos anguaño. Asturies tien necesidá de superar el Réxime del 78, pero nun van regalanos nada, hai que crear esa alternativa de Poder Popular p´algamar una Asturies llibre y socialista,

¡Abaxu la Constitución Española de 1978! ¡Construyamos Soberanía Popular Asturiana!

No hay comentarios:

Publicar un comentario