domingo, 22 de diciembre de 2013

Uviéu dixo non al racismu

Militantes de Darréu, la Moceda d'Izquierda Soberanista, participamos esti sábadu 21 d'avientu na manifestación contra les redaes racistes y los CIES convocaos n'Uviéu pola Ruta Contra'l Racismu y la Represión. Les redaes escontra inmigrantes y l'internamientu d'estes persones nos CIES son una realidá cada día más presente gracies a la política represiva y racista de Gabino de Lorenzo y la so policía española. 

Munches persones acudieron a la llamada de la Ruta Contra'l Racismu y la Represión y dexaron perclaro que'l Pueblu Trabayador Asturianu ta colos inmigrantes y la so situación y que pesie'l racismu y la represión pesa muncho más la solidaridá y la llucha pola braera xusticia social. Dende la nuesa organización felicitamos a los convocantes pola iniciativa y llamamos a la mocedá asturiano a nun escaecer la situación de bona parte de la población inmigrante nel nuesu país. 

Asina tamién queremos solliñar la responsabilidá de Gabino de Lorenzo na situación. El Delegáu de Gobiernu n'Asturies unvía a la so policia pa espulsar del Estáu a estes persones mentantu tan trabayando, trata de mete-yos mieu y continamente violen los drechos d'estes persones, faciendo actuaciones illegales y represives aprovechando la vulnerabilidá'l coleutivu. Dende Darréu encamentamos a Gabino de Lorenzo a dexar en paz a la población inmigrante y esmolecese más por investigar los delitos que cometen tolos díes compañeros del so propiu partíu y o los sos collacios empresarios, por poner un par d'exemplos. 

Llariega o estranxera ¡La mesma clas obrera!

Racismu ¡NON! ¡Nin na cai nin nos despachos!

No hay comentarios:

Publicar un comentario