viernes, 6 de junio de 2014

Clément Méric: exemplu contra'l facismu n'Europa.

El pasáu 5 de xunu de 2013 foi asesináu Clément Méric, sindicalista y militante antifacista francés de París. Dende la Mocedá d'Izquierda Soberanista - Darréu - como antifacistes ya internacionalistes queremos alcordanos d'esti mozu francés qu'a  los 18 años foi asesináu pola barbarie neonazi y casualmente por un inmigrante español con filiación facista que residía en Francia dende facia munchos años. 

Dende Asturies queremos ufrir homenaxe a esti militante y compañeru asesináu y fiximos un simbólicu homenaxe cola colocación d'una pancarta bien visible delláu d'una transitada carretera nel nuesu país. El primer aniversariu de la muerte d'esi mozu coincide con un repunte evidente del facismu en Francia, l'Estáu Español y toa Europa.

Paez ser que'l capitalismu torna a necesitar a la bestia facista p'aparar la llucha del pueblu pola so emancipación y esto fai que-y dea rienda suelta a esti de movimientos. Dende Darréu creemos que'l meyor camín pa combatir el facismu n'Asturies y Europa ye la organización del Pueblu Trabayador y apostamos pola superación del capitalismu pa nun tener que vivir con esta barbarie arcaica ya intolerante que ye'l facismu.

N'alcordanza de Clément Méric y toles víctimes de facismu. 

¡Contra'l facismu nin un pasu atrás! ¡Asturies antifacista!

No hay comentarios:

Publicar un comentario