Asturies pol albuertu llibre, seguru y de baldre

Esti domingu tuvo llugar la manifestación entamada pola Plataforma Feminista d'Asturies ,que col llema "Pol drechu a decidir. Albuertu llibre, seguru y de baldre" percorrió'l centru d'Uviéu dende la Estación de Renfe hasta la Plaza La Catedral.

Militantes de Darréu-Mocedá d'Izquierda Soberanista participaron nel bloque xunitariu ‪#‎LluchandoPolaSoberanía‬, entendiendo que la llucha feminista n'Asturies namái podrá finar cuando s’acabe col patriarcáu, elementu indispensable pal funcionamientu del sistema capitalista y que sigue calteniendo múltiples opresiones y dominaciones; y como ferramienta qu’afita esi capitalismu y esi patriarcáu, col Estáu español.

Poro, la llucha feminista sigue siendo imprescindible n’Asturies: pa valtiar les amenaces entá esistentes, pa evitar nueves ofensives escontra los drechos algamaos, y pa frayar con organización, movilización y pedagoxía’l patriarcáu y les sos consecuencies na vida diaria de toles moces d’Asturies.

ASTURIES FEMINISTA
ALBUERTU LLIBRE, SEGURU Y DE BALDRE