Recientemente vien
de ponese en conocimientu de la organización la esistencia d’agresiones
sexistes nel trescursu del XI Asturies Nun Escaez, conciertu entamáu por Darréu
dientro’l DMR 2014.
Como nun podía ser d’otra
forma, y pesie a que yá pasaron más de 15 díes dende’l mesmu, nun queríemos
dexar pasar la ocasión de facelo público y denunciar la esistencia d’estes
práutiques machistes intolerables que, per desgracia, son un factor común en
casi cualquier eventu folixeru.
Dende Darréu
refugamos dafechu cualquier amuesa machista, como ye esti casu d’agresiones
sexistes, y encamentamos a toos aquellos llimiagos responsables d’elles, a que
s’aforren la participación en cualquier eventu entamáu pola mocedá soberanista,
ya que NUN HAI ESPACIU PA VÓS.
Nesi sen, queremos
tamién animar y encamentar a aquelles moces que sufran esti tipu de práutiques
llamentables, a que sigan denunciando caúna d’elles, notificándolo cuanto
enantes direutamente a les respectives organizaciones pa poder dar una
rempuesta lo más afayaíza y efeutiva posible.
Amás d’ello, y
conscientes de que d’estes problemátiques nun mos llibramos nin siquier n’actos
empobinaos a un ambiente onde se presupón mayor conciencia, dende Darréu
comprometémonos a poner en práutica nueves aiciones de concienciación y
espardimientu escontra toa práutica machista, afitando que ye responsabilidá
común acabar con toa buelga patriarcal.
STOP AGRESIONES SEXISTES
NON YE NON
No hay comentarios:
Publicar un comentario