domingo, 1 de marzo de 2015

Solidaridá colos internacionalistes deteníos nel Estáu español



Dende distintos coleutivos antifacistes d’Asturies queremos amosar la nuesa más absoluta solidaridá y sofitu a los 8 compañeros internacionalistes y antifascistes deteníos. Pa nós ye motivu d'almiración el llabor que los nuesos compañeros realizaron nel este d'Ucrania.

Los nuesos compañeros fueron deteníos so la risible acusación d’“atentar contra los intereses del reinu”. Esta detención ordenada dende l'Audiencia Nacional ye la enésima prueba de la inesistencia de la independencia xudicial, servil a los intereses de la clase dominante y que fai oyíos sordos al unviu de mercenarios españoles a los batallones facistes o al unviu de dineru al gobiernu golpista de Kiev.

El conflictu ucranianu ye productu de la agudización de les contradicciones ente los polos imperialistes de la UE y los EEXX per un sitiu, y Rusia por otru. En pro de los sos intereses económicos y el control de los recursos ucranianos, la Unión Europea y los EEXX nun duldaron en sofitar a grupos facistes ucranianos. So la etiqueta de los “Euromaidán”, protagonistes del golpe d'Estáu n'Ucrania en febreru de 2014, escondíase una coalición de grupos facistes como'l partíu “Svoboda” o'l “PravySektor” (Sector Derechu), partíos que revindiquen ensin nengún pudor el pasáu nazi o a figures collaboracionistes facistes como Stepán Bandera. Ente les sos acciones más llamatives atópense la matanza de la Casa de los Sindicatos n’Odessa, la persecución y asesinatu d'antifacistes, o la formación de bandes paramilitares qu'anguaño participen nos combates que se desenvuelven nel este del país. El gobiernu resultante d'aquel golpe d'estáu nun duldó en plegase a les esixencies del BCE y el FMI, y nun duldo a la hora de illegalizar partíos políticos, detener a miles de persones ya inclusive en bombardear a la población civil del este ucranianu.

Como resultancia última de la resistencia antifacista les provincies de Lugansk y Donetsk independizáronse d'Ucrania. Na llucha pola autodeterminación dambes rexones xuniéronse nel Estáu Federal de Novorrossia siguiendo asina'l procesu d'emancipación de la Ucraína facista que caltien l'asediu y bombardéu d'éstes rexones. Por viaxar y solidarizase con estes repúbliques, los nuesos compañeros fueron deteníos y acusaos de toa una serie de delitos, nun baldíu intentu del Estáu español por amedrentanos.

Por últimu, queremos denunciar la vergonzosa actitú de los principales medios de comunicación del Estáu español que sirven de comparsa a los intereses de la xunta golpista de Kiev. Ensin miramientos, trataron a los nuesos compañeros de “terroristes prorrusos” espublizando la versión interesao y manipoliao de les fontes policiales que busquen criminalizalos.

Nós/as tener claro: L'internacionalismu y la solidaridá nun son un delitu. Magar el so represión nun pensamos callanos: vamos siguir denunciando al gobiernu facista de Kiev y al imperialismu; sofitando a la Ucrania antifacista y a la clase trabayadora ucraniana.
¡ABSOLUCIÓN PA LOS 8 COMPAÑEROS ANTIFACISTES!
¡PUXA LA UCRAÍNA ANTIFACISTA¡ ¡NUN PASARÁN!

Comité Asturianu de Solidaridá cola Ucraína Antifacista
Nora Antifa
Federación Asturiana Memoria y República (FAMYR)
Asamblea Antifacista d’Uvieu

No hay comentarios:

Publicar un comentario