207 años depués de la proclamación de
soberanía de 1808, la mocedá asturiano sigue teniendo munchos motivos pal
inconformismu. Garrando como referencia un intre hestóricu tan importante pal
nuesu pueblu (declaración de soberanía de la Xunta Xeneral, creación del
Exércitu Popular Asturianu, creación del bandera…), ye momentu de siguir
anovando lluches y enanchando les esistentes, nel camín de la necesaria
soberanía pal nuesu pueblu.
La llucha pola soberanía p’Asturies non solo
ye innegociable, sinon que ye imprescindible pa una mocedá afeutada por
problemátiques tan importantes como’l paru, la precariedá, la emigración, la
represión, la creciente falta de places o recursos económicos pa estudiar… y
ante ello, l’únicu camín ye la llucha por tresformar la realidá p’algamar un
sistema nel que la clase trabayadora puea decidilo too, dende sigo mesma y pa
sigo mesma.
Ye por ello que dende Darréu llamamos a la
mocedá asturiano a participar na concentración del llunes 25 de mayu énte la
Xunta Xeneral a les 19:30 hores, pa facer alcordanza d’un fechu hestóricu
perimportante pal nuesu pueblu, y pa continuar reivindicando un día más el
necesariu camín de la soberanía y el socialismu p’Asturies.
No hay comentarios:
Publicar un comentario