El pasáu sábadu 27 Darréu entamó la I Marcha Moza en Defensa de la
Ñatura, una actividá na qu’un bon garrapiellu de mozos y moces
axuntáronse nuna xornada deportiva y de conocencia del nuesu entornu
natural.
Con principiu en Torrestío y final nel puertu San
L.lorienzu, percorriéronse unos venticuatro kilómetros del Camín Real
de La Mesa, bien carauterísticu por percorrer dellos conceyos y axuntar
na so ruta un bayurosu patrimoniu natural, y tamién arquitectónicu, con construcciones tradicionales de la fastera.
A lo llargo’l percorríu desarrolláronse delles pequeñes actividaes nes que s’afondó en cuestiones como la soberanía, el mediu ambiente, o la cultura y baille tradicional, al traviés de pequeñes charres, alderiques, y minitalleres, que foron amenizando les paraes nos kilómetros de camín.
Dende la Mocedá d’Izquierda Soberanista entamamos esta actividá col enfotu de poner el güeyu especialmente nesta cuestión que consideramos perimportante: la defensa de la nuesa ñatura, y d’un entornu rural ca vegada más amenazáu pola esplotación de los recursos, pero tamién pola falta d’oportunidaes pa vivir nél.
Valoramos perpositivamente la esperiencia, y siguiremos trabayando en más iniciatives sobre esti tipu de temátiques dende la perspeutiva de la mocedá asturiano.
No hay comentarios:
Publicar un comentario