miércoles, 10 de junio de 2015

Darréu améstase a la denuncia escontra la esplotación animal y l’aculturación de la "Feria Andaluza" de Xixón





Dende la Mocedá d’Izquierda Soberanista apurrimos el nuesu sofitu a la iniciativa que pide al Ayuntamientu de Xixón la prohibición del espectáculu ecuestre que s’inclúi na “Feria Andaluza” que va tener llugar los díes 19, 20 y 21 de xunu en Xixón, debío al maltratu animal que supón.

Dende Darréu consideramos imprescindible que tanto l’Ayuntamientu de Xixón, como’l restu d’instituciones d’Asturies, garren d’una vegada una postura clara escontra tou eventu que suponga maltratu animal, siendo Xixón un exemplu bien sangrín pola cellebración tolos años de la única y última feria taurina que queda nel nuesu país, y que sobrevive namái que gracies a sovenciones públiques.

Tamién dende la mocedá señalamos el calter aculturador esistente detrás d’esti tipu d’iniciatives, que nun avecen a ser más que deformaciones y caricaturizaciones de les cultures que busquen “imitar”, y que cunten davezu col sofitu económicu de los conceyos asturianos, nuna clara política de promocionar eventos qu’afonden na uniformización cultural nel Estáu español, mientres s’arrequexen y marxinen les formes culturales propies, tanto tradicionales como nueves.

NIN MALTRATU ANIMAL NIN ACULTURACIÓN


No hay comentarios:

Publicar un comentario