Dende Asturies siguimos glayando ¡Alfon Llibertá!

Dende Darréu queremos mostrar tol nuestru sófitu al compañeru Alfon, que lleva sofriendo una brutal persecución política dende la fuelga xeneral del 14 de Payares de 2012. Cada vegada, vemos como l’estáu español reprime más a la mocedá combativo, onde alzar la voz escontra esti estáu dictatorial trae consigo penes de prisión, multes y represión policial. 

Alfon foi víctima de un xuiciu farsa, la única solución que tienes les élites gubernamentales pa quien llucha escontra la tiranía capitalista d’esti Estáu Español herederu del franquismu. Alfon foi acusáu de pertenencia de esplosivos nuna mochila. Nesti procesu foi vulneráu la so presunción d’inocencia, asina como una falta total de pruebes que lu condenaren, centrándose más na so actividá política, onde súpose que llevaba siendo vixiláu dende 2009. Creyemos que Alfon foi garráu como cabeza de turcu, pa implantar el miéu entre la mocedá combativo del estáu. Poro, Alfon pue entrar na cárcele’l prósimu día 16 de xunu, dalgo que nun podemos permitir, yá que dalgún día podemos ser cualesquier de nós, simplemente por tener una ideoloxía política que nun presta a la élite estatal.

N’Asturies, anguaño tenemos casos parecíos, como ye’l de los 5 de Zarréu, onde otra vegada los montaxes policiales tan a la orden del día, col únicu fin d’implantar el terror entre la xente que llucha por coses tan básiques como la vivienda o el trabayu. Ante estos fechos, dende La Mocedá d’Izquierda Soberanista mandamos tola nuestra solidaridá a Alfon y a tola xente condergada por lluchar polos nuesos drechos como persones.

¡NON MÁS XUICIOS POLÍTICOS A LA MOCEDÁ COMBATIVO! ¡NON MÁS REPRESIÓN POLICIAL!

‪#‎AlfonLibertad

#AlfonLlibertá