Les
llinies de FEVE L’Infiestu-Uviéu y San Esteban-Uviéu vienen de sufrir
cambios perimportantes nos sos horarios. Según denuncien los propios
trabayadores, éstos foron impuestos
dende la direición en Madrid, enterándose la plantiya cásique sobre la
marcha. De la mesma forma, los/es usuarios/es que garren el tren a
diariu, tampoco cuntaron con nengún tipu d’avisu alrodiu d’unos cambios
qu’afeuten a horarios –caóticos ya incompatibles con tresbordos en
munchos casos- y tamién a les paraes.
Dende la Mocedá d’Izquierda Soberanista vemos estos fechos como mui graves, debío a que’l tren ye ún de los escasos servicios de tresporte público colos que cunta la mocedá d’abondos pueblos y villes. Nun son poques amás les denuncies sobre retrasos nos horarios, males combinaciones nes sos frecuencies, averíes continues na maquinaria, y otres problemátiques que faen que’l serviciu que se dea seya cada vegada más precariu: y nesto coinciden usuarios/es y trabayadores.
Paeznos que too esto nun ye casual: ye una realidá l’agónicu acosu y derribu al que tán sometiendo al ferrocarril públicu n’Asturies, onde primen más los intereses del monopoliu ALSA -y l’avezáu desinterés xeneral del gobiernu polos problemes del pueblu-, qu’ufrir y potenciar el tresporte públicu como un bien al serviciu de la sociedá, n’especial nos conceyos asitiaos nel oriente y l’occidente.
Si queremos conceyos vertebraos, bien comunicaos, nos que la mocedá puea vivir dignamente, ye una necesidá básica que’l ferrocarril tea al serviciu del pueblu, y planificáu en base a les necesidades d’esi pueblu. Poro, reivindicamos como imprescindible ya urxente que les competencies nesta cuestión (como en tantes otres) tean nes manes d’Asturies, pa reestructurar y potenciar como ye debío esti serviciu.
Lo que ta claro, ye que pa qu’eso puea ser efeutivo, fae falta voluntá real de facelo: de dexar de ser un país secuestráu por una empresa d’autobuses, d’abrir al pueblu el rediseñu del tresporte alcordies a les necesidaes esistentes. Y la mocedá, tien muncho que dicir.
POR UN TRESPORTE DIGNU PA LA MOCEDÁ
FERROCARRIL PÚBLICU Y ASTURIANU
Dende la Mocedá d’Izquierda Soberanista vemos estos fechos como mui graves, debío a que’l tren ye ún de los escasos servicios de tresporte público colos que cunta la mocedá d’abondos pueblos y villes. Nun son poques amás les denuncies sobre retrasos nos horarios, males combinaciones nes sos frecuencies, averíes continues na maquinaria, y otres problemátiques que faen que’l serviciu que se dea seya cada vegada más precariu: y nesto coinciden usuarios/es y trabayadores.
Paeznos que too esto nun ye casual: ye una realidá l’agónicu acosu y derribu al que tán sometiendo al ferrocarril públicu n’Asturies, onde primen más los intereses del monopoliu ALSA -y l’avezáu desinterés xeneral del gobiernu polos problemes del pueblu-, qu’ufrir y potenciar el tresporte públicu como un bien al serviciu de la sociedá, n’especial nos conceyos asitiaos nel oriente y l’occidente.
Si queremos conceyos vertebraos, bien comunicaos, nos que la mocedá puea vivir dignamente, ye una necesidá básica que’l ferrocarril tea al serviciu del pueblu, y planificáu en base a les necesidades d’esi pueblu. Poro, reivindicamos como imprescindible ya urxente que les competencies nesta cuestión (como en tantes otres) tean nes manes d’Asturies, pa reestructurar y potenciar como ye debío esti serviciu.
Lo que ta claro, ye que pa qu’eso puea ser efeutivo, fae falta voluntá real de facelo: de dexar de ser un país secuestráu por una empresa d’autobuses, d’abrir al pueblu el rediseñu del tresporte alcordies a les necesidaes esistentes. Y la mocedá, tien muncho que dicir.
POR UN TRESPORTE DIGNU PA LA MOCEDÁ
FERROCARRIL PÚBLICU Y ASTURIANU
No hay comentarios:
Publicar un comentario