viernes, 29 de abril de 2016

El facismu nun tien sitiu nes cuenques mineres


La convocatoria entamada por La Semiente y Adepavan sol sofitu de Nalón Antifacista axuntó a una bayura de persones en L'Entregu, tres de les aiciones facistes que, en forma de pintaes, pero tamién d'agresiones, vienen asocediendo na cuenca'l nalón dende va tiempu. 

A lo llargo del pasucais glayáronse consignes como "Fuera facistes de la cuenca minera", "Asturies sálvase lluchando", o "No pasarán", manifestándose nel comunicáu final de la movilización que toes estes aiciones facistes nun son un xuegu de neños: tienen intenciones bien clares, y tán amparaes en coleutivos ya iniciatives bien concretes.

Dende la Mocedá d'Izquierda Soberanista tuviemos presentes, nuna movilización onde seutores bien distintos de la izquierda axuntaron fuercies alrodiu la idea antifacista. Pa Darréu ye imprescindible siguir trabayando na concienciación popular y la organización non solo de la rempuesta, sinon de la iniciativa, por unes cuenques mineres como siempres lo fueron: obreres y antifacistes.

No hay comentarios:

Publicar un comentario