Ye bien sabío que nes dómines nes que'l sistema capitalista afronta les sos crisis estructurales con toa crudeza, una de les ferramientes qu'emplega pa caltener los privilexos de clase, ye'l facismu en toles sos formes. Nun ye casualidá que n'Asturies l'actividá d'esti tipu de grupos medre en zones concretes del país, precisamente n'aquelles más azotaes pola desindustrialización y el so consecuente ermu económicu y social, frutu de la crisis permanente que sufrimos dende va décades, y qu'agudizóse con esti nueu ciclu.
La mocedá nun podemos quedar impasibles énte l'actividá facista nel nuesu país, y menos entá cuando esta agrede, simbólica o físicamente, a persones y espacios combativos, como ye'l casu de La Semiente, o'l mural n'apoyu al lluchador andaluz Andrés Bódalo. Poro, la xuventú y el conxuntu de la clase trabayadora asturiana, tien una cita inescusable esti miércoles a les 19:00 énte'l CS La Semiente, pa glayar bien alto qu' Asturies ye ANTIFACISTA.
No hay comentarios:
Publicar un comentario