miércoles, 18 de mayo de 2016

Siguimos reivindicando #FuturuNasturies



La mocedá asturiano sufre dende va años cifres de paru que raspien el 50%, una situación pergrave que, pesie a too, podría selo muncho más si'l poder nun cuntara cola emigración forciada como válvula d'escape. Amás, la temporalidá y precariedá ye lo avezao pa quien topa empléu. Ensin (ente otres coses) trabayu dignu, ye imposible un ‪#‎FuturuNasturies‬ dignu pa la mocedá.



Los últimos estudios alrodiu la brecha salarial esistente n'Asturies falen d'un 38%, o lo que ye lo mesmo: por facer el mesmu trabayu, cobres un 38% menos si yes muyer. Esta situación ye inaceptable dafechu, y ye que si la precariedá, el paru y la emigración afeuten enforma a la mocedá en xeneral, la situación agrávase nel casu de les muyeres. Queremos un ‪#‎FuturuNasturies‬ nel que les desigualdaes de xéneru seyan una cosa del pasáu, y ye por ello imprescindible lluchar por una ‪#‎AsturiesFeminista‬.



Unes 100.000 persones nel paru, otres miles con trabayu precariu, salarios perbaxo'l mínimu... traen consigo que les estadístiques falen d'unes 100.000 persones baxo l'umbral la probeza, y otres tantes raspiándolu. La emerxencia social ye evidente, como lo ye la necesidá de construyir soberanía p'algamar un #FuturuNasturies.


No hay comentarios:

Publicar un comentario